कोरोना संक्रमणविरूद्ध उच्च सतर्कता अपनाउन राजदूतावासको आग्रह

kovia-19 corona chinaa
सांकेतिक तस्वीर
  • 1
    Share
लोकपाटी न्यूज

यूएई। संयुक्त अरब इमिरेट्स (यूएई)  मा कोरोना भाइरस संक्रमितको संख्या बढ्न थालेसँगै नेपाली दूतावासले सतर्कता अपनाउन अनुरोध गरेको छ। विशेष गरी युरोपेली मुलुकहरूमा देखा परिरहेको कोभिड-१९ को नयाँ प्रकार यूएईमा पनि पछिल्लो समयमा देखा परेको स्वास्थ्य निकायहरूले जनाएका छन्।

कोभिड-१९ को यो नयाँ स्वरूप अझ बढी संक्रामक रहेको बताइएको छ। संक्रमणलाई मध्यनजर गर्दै यूएई सरकारले अवलम्बन गरे बमोजिमका स्वास्थ्य प्रोटोकलहरूको पूर्ण परिपालना गरी उच्च सुरक्षा एवं सतर्कता अपनाउन नेपाली समुदायलाई दूतावासले अनुरोध गरेको छ।

साथै कोभिड-१९ संक्रमणविरुद्ध अपनाउदैँ आएका निरोधात्मक उपायहरू जस्तै सामाजिक दूरी कायम गर्ने, सामाजिक जमघट, भीडभाड आदिबाट टाढै रहने, व्यक्तिगत सरसफाइमा विशेष ध्यान दिने, मास्क एवं स्यानिटाइजरको नियमित प्रयोग गर्नेलगायतका कार्यहरू नियमित एवं प्रभावकारी रूपमा पालना गर्न समेत दूतावासले अनुरोध गरेको छ। यूएई सरकारले कोभिड-१९ विरुद्धको भ्याक्सिन सातै इमिरेट्सहरूका तोकिएका स्वास्थ्य केन्द्रहरूमा नि: शुल्क रूपमा उपलब्ध गराइरहेको छ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्