सुनचाँदीको मूल्यमा सामान्य बृद्धी

  • 29
    Shares
लाेकपाटी न्यूज

काठमाडौं । नेपाली बजारमा बुधवार सुन तथा चाँदीको मूल्यमा सामान्य वृद्धि भएको छ । स्थानिय बजारमा बुधवार सुनको भाउ रू १०० ले उकालो लागेको हो ।

नेपाल सुनचाँदी व्यवसायी महासंघका अनुसार बुधवार छापावाला सुन प्रतितोला रू ९२ हजार ९०० मा कारोबार भएको छ । मंगलवार छापावाला सुनको मूल्य प्रतितोला रू ९२ हजार ८०० मा कारोबार भएको थियो । मंगलवारको तुलनामा बुधवार छापावाला सुन प्रतितोला रू १०० ले बढेको हो ।

त्यसैगरी, तेजाबी सुन प्रतितोला रू ९२ हजार ४०० मा कारोबार भइरहेको छ । मंगलवार तेजाबी सुन प्रतितोला रू ९२ हजार ३०० मा कारोबार भएको थियो ।

यस्तै, बुधवार चाँदीको मूल्यमा पनि सामान्य वृद्धि भएको छ । मंगलवार प्रतितोला रू एक हजार २५० मा कारोबार भएको चाँदी बुधवार प्रतितोला रू एक हजार २६० मा कारोबार भइरहेको छ । मंगलवारको तुलनामा बुधवार चाँदीको मूल्य रू १० ले बढेको हो ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्