कस्ताे मान्छेलाई प्रधानमन्त्री र अध्यक्ष बनाइएछ, गद्दार भएर पाे निस्किए : घनश्याम भुसाल

Ghanashyam-Bhusal
  • 5.7K
    Shares
लोकपाटी न्यूज

रुपन्देही। प्रचण्ड-माधव नेपाल पक्षीय नेकपाका नेता घनश्याम भुसालले गलत मान्छेलाई प्रधानमन्त्री र पार्टी अध्यक्ष बनाएको भन्दै पछुतो प्रकट गरेका छन्। ‘आफैंले चुनेको पार्टीका अध्यक्ष र प्रधानमन्त्रीले यस्तो गद्दारी गर्लान् भन्ने सोचेकै थिएन’ उनले भने, ‘यस्तो डरलाग्दो प्रवृत्ति जन्मने परिस्थिति कसरी निर्माण भयो ? अचम्म लाग्छ ।’

उक्त पक्षले आज बुटवलमा आयोजना गरेको विरोधसभामा नेता भुसालले भने, निरंकुशताको प्रेत बेलाबेला जाग्छ, अहिले फेरि जागेको छ । त्यसलाई तह लगाउनुपर्छ।

ओलीले संविधानको हत्या गरी मुलुकमा अस्थिरता, अशान्ति निम्त्याउन खोजेको भन्दै भुसालले प्रतिगमनविरुद्ध सशक्त आन्दोलन गर्नुको विकल्प नभएको बताए।