प्रदेश १ को सरकार र निफ्राबिच सम्झौता

  • 11
    Shares
लोकपाटी न्यूज

विराटनगर। प्रदेश १ को सार्वजनिक निजी साझेदारी तथा लगानी प्राधिकरण र नेपाल इन्फ्रास्ट्रक्चर बैंक लिमिटेड (निफ्रा) बीच वित्तीय सहकार्यका लागि समझदारी भएको छ।
सार्वजनिक-निजी साझेदारीका माध्यमबाट प्रदेशको पूर्वाधार विकासका लागि परियोजना विकास तथा कार्यान्वयनको चरणमा आवश्यक वित्तीय तथा प्राविधिक सहकार्य तथा सहयोग र अन्य आवश्यक सेवाको सम्बोधन गर्न समझदारी भएको हो।

प्राविधिक र आर्थिक रूपमा सम्भावित प्रादेशिक पूर्वाधारका परियोजना पहिचान गर्नु र सम्भावित परियोजनामा वित्तीय तथा प्राविधिक विश्लेषण र परियोजनाको बजारीकरण समझदारीपत्रको मूल उद्देश्य रहेको मुख्यमन्त्री शेरधन राईले बताए।

‘विकासकर्ता छनोटका लगानी आवश्यक सहयोग, बैंकका तर्फबाट वा बैंकको अगुवाइमा स्वपुँजी तथा ऋण लगानीको व्यवस्थापन र आवश्यक अन्य प्राविधिक सहयोगका लागि हामीले सहकार्य गरेका हौं’, उनले भने, ‘यसले प्रदेश १ मा पूर्वाधारका परियोजनाको विकासमा महत्वपूर्ण योगदान राख्छ।’

मंगलबार मुख्यमन्त्री शेरधन राईको उपस्थितिमा प्रदेश १ को सार्वजनिक निजी सहकारी साझेदारी तथा लगानी प्राधिकरणका तर्फबाट निर्देशक डा.सरोज कोइराला र निफ्राका तर्फबाट प्रमुख कार्यकारी अधिकृत रामकृष्ण खतिवडाले हस्ताक्षर गरेका हुन्।

निर्देशक कोइरालाले प्रदेश १ मा कोसी रिफ्रेसमेन्ट सेन्टर, बिमा बाम्बो प्रोजेक्ट, इलेक्ट्रिक बस प्रोजेक्ट, उदयपुर सिमेन्ट रिभाइटजाइजेशन प्रोजेक्टलगायतका केही पूर्वाधारका परियोजनाहरूमा लगानीका लागि प्रारम्भिक अध्ययन विश्लेषण सम्पन्न भइसकेको बताए।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्