आज देशभरको मौसम कस्तो रहला ?

mausama
  • 12
    Shares
लोकपाटी न्यूज

काठमाडौं। काठमाडौं उपत्यकामा आज मौसम सफा रहने छ। बिहानबाट नै मौसम सफा रहेको जल तथा मौसम विज्ञान विभागले जनाएको छ।

आज विहान देशका केही पहाडी भू–भागमा आंशिक बदली रहेको छ भने अन्य भू–भागमा मौसम सामान्यतया सफा रहेको छ।

आज दिउँसो प्रदेश १, गण्डकी र सुदूरपश्चिम प्रदेशका पहाडी तथा हिमाली भू–भागमा आंशिक बदलीको सम्भावना रहेको छ भने बाँकी प्रदेशमा मौसम सफा रहने विभागले बताएको छ।

आज राति प्रदेश १, गण्डकी र सुदूरपश्चिम प्रदेशका पहाडी तथा हिमाली भू–भागमा आंशिक बदलीको सम्भावना रही बाँकी प्रदेशमा मौसम सामान्यतया सफा रहने बताइएको छ।

मौसमविद् श्रेष्ठका अनुसार मंगलबार र बुधबार पश्चिमी मौसमी प्रणालीको प्रभावका कारण प्रदेश १, गण्डकी र सुदूरपश्चिम प्रदेशका पहाडी भू–भागका केही स्थानमा हल्का वर्षाको सम्भावना रहेको छ।

केहीदिन यता तापक्रममा बढेसँगै जाडोको महसुस कम हुन थालेको छ। विहान र बेलुका सामान्य चिसो महसुस भए पनि दिउँसो गर्मी सुरु भइसकेको मौसमविद् श्रेष्ठ बताउँछन्।

उनका अनुसार मार्च १ बाट प्रि–मनसुन सुरु हुने छ। प्रि–मनसुन सुरु भएसँगै वर्षाको सम्भावना उच्च हुने छ । सामान्यतः नेपालमा जुन १० बाट मनसुन सुरु हुने गरेको विभाग बताउँछ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्