सरकार र विप्लव नेकपाबीच आज पनि वार्ता : आजै निष्कर्षमा पुर्‍याउने तयारी

barta_biplab-government
  • 16
    Shares
लोकपाटी न्यूज

काठमाडौं। सरकार र नेत्रबिक्रम चन्द विप्लव नेतृत्वको नेकपाबीच आज पनि वार्ता हुँदैछ।बुधबार तीन पटक भएको वार्ता सकारात्मक रहेकोले आज पनि वार्ता हुन लागेको हो। हिजोको अन्तिम वार्ता पुल्चोकस्थित गृहमन्त्री आवासमा भएको थियो।

यसअघि दुई पटकको वार्ता प्रधानमन्त्री निवास वालुवाटारमा भएको थियो। सरकारी वार्ता टोलीका सदस्य राजन भट्टराईले हिजोको वार्ता विषय केन्द्रित भएको र दुवै पक्ष समान धारणा नजिक पुगेको दाबी गरे।

वार्तामा सरकारी टोलीका तर्फबाट गृहमन्त्री रामबहादुर थापा बादल र विप्लव नेकपाको तर्फबाट खड्गबहादुर विश्वकर्मा प्रकाण्डले नेतृत्व गरिरहेका छन्। वार्तामा सरकारी टोलीले विप्लव नेकपालाई सम्पूर्ण रुपले हिंसा त्यागेको प्रतिबद्धता जनाउँदै आफूसँग भएको हतियार बुझाउन आग्रह गरेको छ ।

विप्लव नेकपाले भने आफूसँग कुनै प्रकारको हतियार नभएको दावी गरेको छ। यसैगरी विप्लव नेकपाले आफूमाथिको प्रतिबन्ध हटाएर जेलमा रहेको नेता कार्यकर्ता रिहा गर्नुपर्ने शर्त अघि सारेको छ। सकेसम्म वार्तालाई आजै निष्कर्षमा पु¥याउने तयारी दुबै पक्षले गरेका छन्।

वर्तमान केपी ओली नेतृत्वको सरकारले नै ०७५ फागुन २८ गते विप्लव नेतृत्वको नेपाल कम्युनिष्ट पार्टीमाथि प्रतिबन्ध लगाएको थियो। प्रतिबन्धपछि सो समूहले २ हजार बढी नेता कार्यकर्ता पक्राउ गरिसकेका छन्।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्