माधव नेपाललाई ओलीको चेतावनी : भनेको नमाने ठिक पारिदिन्छु

kp_oli
  • 1.8K
    Shares
लोकपाटी न्यूज

काठमाडौं। नेकपा एमालेका अध्यक्ष केपी शर्मा ओलीले आत्मालोचना गरेर पार्टीमा फर्किन पार्टीका नेता माधवकुमार नेपाललाई आग्रह गरेका छन्। तर पार्टीलाई ध्वस्त पार्न खोजे ठिक पार्ने उनले चेतावनी दिए।

नेपाल उत्पीडित जातीय मुक्ति समाजको राष्ट्रिय भेलामा प्रधानमन्त्री एवं एमाले अध्यक्ष ओलीले भने, ‘अहिले पनि पार्टीबाट निष्कासन गरेका छैनौं। आत्मालोचना गरेर फर्किनुस्, पार्टीमा विना भेदभाव काम गर्न दिन्छौं।’

उनले अघि भने, ‘माधव नेपालजी आएर काम गर्नुहुन्छ भने अहिलेसम्म गरेका अपराधपूर्ण कामको आत्मालोचना गर्नुस्।’ तर गुटबन्दी गरेर आउनेलाई स्वीकार नगर्ने उनले बताए। आफूलाई जति भने पनि सहने, तर पार्टीलाई ध्वस्त पार्न खोजे ठिक पार्ने उनले बताए।

नेता नेपालले अहिले पनि बोलिरहेको भन्दै उनले अघि भने, ‘म सीमा हेरिरहेको छु।’