अब अनलाइनबाटै डाक्टरकाे समय लिन सकिने, कसरी लिने सेवा ?

लोकपाटी न्यूज

काठमाडाैं। अब अनलाइनबाटै अस्पतालकाे टिकट र चिकित्सककाे समय लिन सकिने भएकाे छ। मिदास टेक्नोलोजीले मोबाइलबाटै अस्पतालमा दीर्घकालिन उपचार र चिकित्सकसँग टिकट लिन मिल्ने व्यवस्था मिलाएको हाे ।

आईएमई समूहले सञ्चालन गरेको मिदास टेक्नोलोजीले यस्तो व्यवस्था मिलाएको हो । यो सेवामार्फत् सेवाग्राहीले वीर अस्पताल, सिभिल सर्भिस अस्पताल र मनमोहन कार्डियोका चिकित्सकसँग मोबाइलबाटै अपोइन्टमेन्ट लिन सक्नेछन्।

अनलाइन अपोइन्टमेन्ट सेवाले अस्पतालको ओपीडी सेवालाई सहज बनाउने र बिरामीको सन्तुष्टि बढाउने अपेक्षा गरिएको छ । बिरामीहरू आफैँ अपोइन्टमेन्ट लिन र भुक्तान गर्न सक्षम हुने हुँदा अस्पतालमा भिडभाड नहुने कम्पनीको विश्वास छ ।

यस्तै, ग्राहकले पनि अस्पतालको अनावश्यक र झन्झिटिलो प्रक्रियाबाट छुट पाउने बताइएको छ । सेवाग्राहीले यो सेवा सम्बन्धित अस्पतालको मोबाइल एप्लिकेसन वा मेरो डाक्टर डटकमको वेभसाइटमार्फत् लिन सक्नेछन् ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्