लोकपाटी न्यूजकाठमाडौं। न्यूजिल्याण्डमा जारी आइसिसी महिला एकदिवसीय विश्वकपअन्तर्गत अस्ट्रेलिया पाकिस्तानविरुद्ध ७ विकेटले विजयी भएको छ। पाकिस्तानले दिएको १ सय १९ रनको लक्ष्य अष्ट्रेलियाले ३४.४ ओभरमा ३ विकेट गुमाएर पूरा गर्यो।
उसका लागि एलिस हेलीले अर्धशतकीय पारी खेलिन्। उनले ७९ बलमा ७ चौकाको मद्दतमा ७२ रन बनाइन्। त्यस्तै, कप्तान मेग लेनिङ्गले ३५, राचेल हाइनेसले ३४, एलिस पेरीले अविजित २६ र बेथ मोनीले नटआउट २३ रनको योगदान दिइन्।
पाकिस्तानका बलिङमा ओमाइमा सोहेलले २ र नशरा सन्धुले १ विकेट हात पारिन्। त्यसअघि, टस हारेर ब्याटङको मौका पाएको पाकिस्तानले ५० ओभरमा ६ विकेट गुमाएर १ सय ९० रन बनायो।
उसका लागि कप्तान बिस्माह मारुफले अविजित ७८ रनको योगदान दिइन्। त्यस्तै, आलिया रियाजले ५३, फातिमा सानाले १४ र ओमाइमा सोहेलले १२ रन बनाइन्।
अस्ट्रेलियाका लागि बलिङमा एलना किंगले २, मेगन स्कट, एलिस पेरी, अमान्डा वेलिंग्टन र निकोला केरीले १/१ विकेट हात पारिन्। आजको जितसँगै अस्ट्रेलियाले २ खेलमा ४ अंक जोड्दा दुवै खेल गुमाएको पाकिस्तान भने अंकविहीन छ।
अस्ट्रेलियाले पहिलो खेलमा इंग्ल्यान्डलाई १२ रनले पराजित गर्दा पाकिस्तानले भारतसँग १०७ रनको हार बेहोरेको थियो।
