मेयर बालेनको निर्वाचन खर्च झण्डै ४ लाख (खर्च विवरणसहित)

Balendra_Sah_Balen
लोकपाटी न्यूज
2 Shares

काठमाडौँ । काठमाडौँ महानगरपालिकाका मेयर बालेन्द्र शाहले चुनावमा भएको खर्च सार्वजनिक गरेका छन् ।

सोमवार सामाजिक सञ्जालमार्फत उनले चुनाव खर्च सार्वजनिक गरेका हुन् । उनले चुनावमा ३ लाख ९४ हजार ४८९ रुपैयाँ खर्च भएको बताएका छन् ।

उनले चुनाव खर्च सार्वजनिक गर्न ढिला भएकोमा माफी समेत मागेका छन् । ‘हाम्रो चुनावी अभियानमा जम्मा खर्च ३ लाख ९४ हजार ४८९ भएको छ’, उनले लेखेका छन्, ‘जसमा मतगणनाको समयमा मात्रै १ लाख बढी भएको थियो ।’

उनले जनताबाट प्राप्त विश्वास र जिम्मेवारी पूरा गर्न हरसम्भव प्रयास गर्ने समेत बताएका छन् ।