युरोकप महिला फुटबलको सेमिफाइनल आजदेखि, पहिलो खेलमा इंग्ल्याण्ड र स्विडेन भिड्दै

लोकपाटी न्यूज
0 Shares

काठमाडौं । युरोकप महिला फुटबल प्रतियोगिताको सेमिफाइनल खेलहरु आजबाट सुरु हुँदैछ । प्रतियोगिताको पहिलो सेमिफाइनल खेलमा आज मंगलबार राति आयोजक इंग्ल्याण्डले स्विडेनको सामना गर्नेछ ।

यो खेल इंग्ल्याण्डको शेफिल्डमा नेपाली समय अनुसार राति पौने १ बजे सुरु हुनेछ । क्वाटरफाइनलमा स्पेनलाई हराउँदै इंग्ल्याण्ड तथा बेल्जियमलाई पाखा लगाउँदै स्विडेन सेमिफाइनलमा पुगेका हुन् ।

महिला फुटबलमा इंग्ल्याण्डभन्दा स्विडेनको इतिहास बलियो छ । यसअघिका २६ भेटमा १५ पटक स्विडेन विजयी भएको छ भने इंग्ल्याण्ड तीन पटक मात्रै विजयी भएको छ । बाँकी खेल बराबरीमा सकिएका छन् ।

यसपटक भने स्विडेनभन्दा इंग्ल्याण्डको टोली बलियो रहेको धेरैको अनुमान छ । प्रतियोगिताको दोस्रो सेमिफाइनल खेलमा भोलि बुधबार राति जर्मनी र फ्रान्स भिड्नेछन् ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्