चुनावमा धाँधली भयो, पुनः मतदान हुनुपर्छ : खनाल

Jhalanath_Khanal
लोकपाटी न्यूज
5 Shares

फिक्कल। पूर्वप्रधानमन्त्री एवं नेकपा (एकीकृत समाजवादी)का सम्मानित नेता झलनाथ खनालले चुनावमा धाँधली भएको आरोप लगाएका छन्। इलाम क्षेत्र नं १ बाट वाम-लोकतान्त्रिक गठबन्धनका साझा उम्मेदवार खनालले चुनावमा धाँधली भएकाले पुनः मतदान हुनुपर्ने बताए।

आज पत्रकारसँग कुरा गर्दै उनले भने, ‘सरासर धाँधली भएको छ। दुई हजार चार सय २४ मत खसेको मुचुल्का छ। यिनै बाकसमा गन्दा दुई हजार छ सय ९० मतपत्र फेला परेको छ। दुई सय ६६ मतपत्र बढी भेटियो।’ उनले निर्वाचन ऐनअन्तर्गत त्यो कागजले मान्यता नपाउने जनाए।

पूर्व प्रम खनालले भने, ‘कसले छिरायो त्यहाँभित्र मुचुल्का कागज सही हो कि होइन ? निर्वाचन ऐनअन्तर्गत त्यो कागजले मान्यता पाउँदैन।’ हालसम्मको गणनाअनुसार इलाम-१ मा नेकपा (एमाले)का महेश बस्नेतले दुई हजार चार सय ५५ मतान्तरले अग्रता लिइरहेका छन्।

खनालले १६ हजार ८७ मत प्रप्त गर्दा बस्नेतले १८ हजार पाँच सय ४२ मत पाएका छन्। क्षेत्र नं १ मा ५९ हजार नौ सय छ मध्ये १७ हजार दुई सय ५९ मत गणना हुन बाँकी छ। तर खनालले पुनः मतदानको माग गरेका छन्।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्

  • होइन सर्पनाथ अंकललाई लगभग ६ दिनपछि मात्रै थाहा भएछ त, धाँधली भएको ? हैट…जस्तो जनता उस्तै नेता…