६ किसान संगठनको दाबी : सुकुम्वासीको सुरक्षामा खतरा उत्पन्न गराइयो

sukumbasi_basti
लोकपाटी न्यूज
10 Shares

काठमाडौं। विभिन्न दल निकट ६ किसान संगठनले काठमाडौं महानगरपालिकाले सुकुम्वासीको सुरक्षामा खतरा उत्पन्न गर्ने प्रयत्न गरेको आरोप लगाएका छन्। बिहीबार संयुक्त प्रेस विज्ञप्ति जारी गरेर ६ किसान संगठनले काठमाडौं महानगरले सुकुम्वासी बस्ती डोजर लगाएर नागरिकको जिउधनको सुरक्षामा खतरा उत्पन्न गर्ने प्रयत्न गरेको आरोप लगाएका हुन्।

कथित अधिकार सम्पन्न बागमती सभ्यता एकीकृत विकास समिति र काठमाडौं उपत्यका विकास प्राधिकरणले समेत भूमिहीन दलित, सुकुम्वासी र अव्यवस्थित बसोबासीका संविधान प्रदत्त अधिकार प्रयोग गर्नबाट वञ्चित गरी पटक पटक सूचना निकालेकोमा पनि ध्यानाकर्षण भएको जनाएको छ।

काठमाडौंवासी र सुकुम्वासी तथा अव्यवस्थित बसोबासीहरूलाई भिडाउने र देशभरका अव्यवस्थित बसोबासीहरूबारे भ्रम फैलाई बदनाम गर्ने कोशिससमेत भइरहेको उनीहरूको दाबी छ। साथै भूमिहीन सुकुम्वासी र अव्यवस्थित बसोबासीहरूको लगत संकलनमा सहभागी हुने, पहिचान र प्रमाणीकरण हुने अधिकारबाट वञ्चित हुने गरी कुनै पनि प्रक्रिया अगाडि नबढाउन माग पनि गरिएको छ।

यदि सुकुम्वासीको जीउधनको सुरक्षामा आँच आउने कुनै क्रियाकलाप गरे त्यसबाट उत्पन्न हुने परिस्थितिको जिम्मेवार स्वयं त्यस्ता निकाय हुने विज्ञप्तिमा भनिएको छ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्