नेपाल आर्थिक पत्रकार संघको अध्यक्षमा पुनः ढकाल निर्वाचित

pic-000
लोकपाटी न्यूज
3 Shares

काठमाडौं। नेपाल आर्थिक पत्रकार संघ (नाफिज) को अध्यक्षमा पुनः मोदनाथ ढकाल निर्वाचित भएका छन्। नाफिजको बुधबार सम्पन्न छैटौँ महासभाबाट ढकाल दुई वर्षे कार्यकालका लागि निर्वाचित भएका हुन्। ढकाल द राइजिङ नेपाल दैनिकमा आवद्ध पत्रकार हुन्।

समितिको उपाध्यक्षमा हाम्रो अर्थ डटकमकी सम्पादक मेनुका कार्की र नोटबजार डटकमका सम्पादक परमेश्वर अधिकारी निर्वाचित भएका छन्। त्यस्तै, अनलाइन खबरका नवीन ढुंगाना महासचिवमा, नेपाल खबरका दीपक भट्ट सचिवमा र सिंहदरबार डटकमकी उप-सम्पादक दिलु कार्की कोषाध्यक्षमा सर्वसम्मत चयन भएका छन्।

त्यसैगरी, कार्यसमिति सदस्यमा रातोपाटी डटकमका निकेश खत्री, अनलाइन खबरका विजय पराजुली, नेपालप्रेसका राजाराम न्यौपाने र सेतोपाटी डटकमकी सविना कार्की निर्वाचित भएका छन्।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्