केलियन एमबाप्पेलाई गोल्डेन बुट

Mbape
लोकपाटी न्यूज
5 Shares

काठमाडौं। फ्रान्सेली फरवार्ड केलियन एमबाप्पेले फिफा विश्वकप कतार २०२२ को गोल्डेन बुट जितेका छन्। उनले विश्वकपभर कुल ८ गोल गर्दै गोल्डेन बुट जित्न सफल भएका हुन्। उनले २ असिस्ट पनि दिए। अर्जेन्टिनासँग फाइनलमा टाइब्रेकरमा ४–२ ले पराजित भए पनि एमबाप्पेले अतिरिक्त समयमा ह्याट्रिक पूरा गर्दै यस विश्वकपमा ८ गोल गर्न सफल भए।

२३ वर्षीय एमबाप्पेले समूह चरणमा अस्ट्रेलियाविरुद्ध १, डेनमार्कविरुद्ध २, पोल्यान्डविरुद्ध २ गोल गर्दा ट्युनिसियाविरुद्ध गोल गर्न सकेनन्। क्वार्टरफाइनलमा इंग्ल्यान्ड र सेमिफाइनलमा मोरक्कोविरुद्ध गोल गर्न नसकेका एमबाप्पेले फाइनलमा अर्जेन्टिनाविरुद्ध अतिरिक्त समयमा ह्याट्रिक पूरा गर्दै ८ गोल पूरा गरे।

उनलाई पछ्याइरहेका अर्जेन्टिनाका मेस्सीले २ गोल गर्दै विश्वकपभर कुल ७ गोल गर्न सफल भए। उनले गोल्डेन बल जिते। अर्जेन्टिनाका गोलरक्षक एमिलियानो मार्टिनेजले उत्कृष्ट गोलरक्षक घोषित हुँदै गोल्डेन ग्लोभ्स जित्न सफल भए। अर्जेन्टिनाकै एन्जो फर्नान्डेस विश्वकपको उत्कृष्ट युवा खेलाडी चुनिए।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्