अन्तर्राष्ट्रिय भलिबल : नेपाल श्रीलंकासँग पराजित

लोकपाटी न्यूज
9 Shares

काठमाडौं। बङ्गलादेशमा जारी काभा तेइस वर्षमुनि (यु-२३) अन्तर्राष्ट्रिय पुरुष भलिबल प्रतियोगितामा नेपाल श्रीलंकासँग पराजित भएको छ।

ढाकाको मिरपुरस्थित सहिद सुहरावर्दी नेशनल इन्डोर स्टेडियमा आज भएको खेलमा नेपाल श्रीलंकासँग ०-३ को सोझो सेटमा पराजित भएको हो। प्रतियोगितामा नेपालको यो लगातार दोस्रो हार हो। यसअघि हिजो भएको उद्घाटन खेलमा नेपाल बङ्गलादेशसँग ०-३ को सोझो सेटमा पराजित भएको थियो।

आजको खेलमा नेपालले श्रीलंकासँग पहिलो सेट २४-२६ ले गुमायो भने खेलको दोस्रो सेट १८-२५ ले गुमायो। त्यसैगरी खेलको तेस्रो तथा अन्तिम सेटमा नेपाल १७-२५ ले पराजित भयो।

यही पुस ११ गतेसम्म चल्ने उक्त च्याम्पियनसिपमा आयोजक बङ्गलादेशसँगै नेपाल, श्रीलंका र किर्गिस्तान गरी चार टोलीको सहभागिता रहेको छ। नेपालले अब समूह चरणको तेस्रो तथा अन्तिम खेलमा किर्गिस्तानको सामना गर्नेछ। उक्त खेल भोलि हुनेछ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्