लोकपाटी न्यूजकाठमाडौं। नेकपा एमालेको सचिवालय बैठक केन्द्रीय कार्यालय च्यासलमा बसिरहेको छ।
बैठकमा समसामयिक राजनीतिक अवस्था र पार्टीको आन्तरिक जीवनबारे छलफल भइरहेको बताइएको छ। आजको बैठकमा केन्द्रीय सदस्यहरूको कार्य विभाजनका बारेमा पनि छलफल हुने बुझिएको छ।
त्यस्तै प्रधानमन्त्रीको भारत भ्रमण, बजेटबारे समीक्षा, संसदीय समिति, पार्टी गतिविधि र संसद्मा भूमिकाबारेमा समेत चर्चा हुने बताइएको छ। यसअघि गत वैशाख २८ देखि ३० गतेसम्म एमालेको केन्द्रीय समितिको बैठक बसेको थियो।
