लोकपाटी न्यूजगाजापट्टी, प्यालेस्टिनी अधीनस्थ क्षेत्र,(रासस/एएफपी)। संयुक्त राष्ट्रसङ्घले गाजाको कुनै पनि क्षेत्र सुरक्षित नभएको बताएको छ । राष्ट्रसङ्घका अनुसार अपेक्षित स्थल आक्रमणको तयारीमा इजरायली हवाई हमलाहरू बढिरहेका छन् ।
अक्टोबर ७ मा हमासले गरेको आक्रमणको जवाफी हमलामा इजरायलले प्यालेस्टिनी क्षेत्रका लगभग सबै ठाउँमा आक्रमण गरेकाले मानिसहरूसँग केही विकल्प बाँकी नरहेको राष्ट्रसङ्घले जनाएको छ ।
“गाजा कतै पनि सुरक्षित छैन”, प्यालेस्टिनी क्षेत्रका लागि संयुक्त राष्ट्रसङ्घका मानवीय संयोजक लिन हेडसनले बताएका छन् ।
