कोशीले दियो मधेसलाई एक सय ३० रनको चुनौती

Kirtipur_Cricket_Stadium
लोकपाटी न्यूज
3 Shares

काठमाडौं। प्रधानमन्त्री कप राष्ट्रिय टि ट्वान्टी महिला क्रिकेट प्रतियोगितामा कोशी प्रदेशले मधेस प्रदेशलाई जितको लागि एक सय ३० रनको चुनौती दिएको छ।

कीर्तिपुरस्थित त्रिभुवन विश्वविद्यालयको क्रिकेट मैदानमा जारी खेलमा कोशी प्रदेशले निर्धारित २० ओभरमा चार विकेट गुमाउँदै १२९ रनको योगफल बनाएको हो। कोशीका लागि कप्तान रुबीना क्षेत्रीले सर्वाधिक ५७ रनको योगदान दिइन्। उनले ६४ बल खेल्दै नौ चौकाको मद्दतमा ५७ रनको योगदान गरेकी हुन्।

त्यस्तै अप्सरी बेगमले ३९ रन बनाइन्। उनले ४१ बलमा सात चौकाको मद्दतमा ३९ रन बनाएकी हुन्। सबनम राईले अविजित १६ रन जोडिन्। उनले आठ बलमा दुई चौकाको सहायताले १६ रन जोडेकी हुन्।

त्यसैगरी लकिता राजबंशीले छ तथा नमिता श्रेष्ठले अविजित दुई रन बनाइन्। बलिङतर्फ मधेश प्रदेशकी मीना महतोले दुई विकेट लिइन् भने पूजा महतो र सरस्वती चौधरीले एक विकेट झारिन्। मधेश प्रदेस अहिले जवाफी ब्याटिङमा उत्रेको छ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्