प्रेस सेन्टर जापानको इन्चार्जमा लामिछाने

GP lamichane-pic
लोकपाटी न्यूज
0 Shares

जापान। प्रेस सेन्टर जापानको इन्चार्जमा जिपी लामिछाने चयन भएका छन्। प्रेस सेन्टर नेपाल प्रवास प्रदेश समितिको पूर्ण बैठकले लामिछानेलाई चयन गरेको हो।

प्रेस सेन्टरले पूर्वी एसिया इन्चार्जमा तिलक मल्ल,युरोप इन्चार्जमा केजिन राई, ओसियाना इन्चार्जमा दिल निशानी मगर, पश्चिम एसिया इन्चार्जमा मेगराज सापकोटा,युएईको इन्चार्जमा लक्ष्मण खनाल लगायत २३ क्षेत्र तथा देशहरूको इन्चार्ज चयन गरेको छ। प्रेस सेन्टर नेपाल प्रवास समितिहरूको कामलाई प्रभावकारी बनाउनको लागि विभिन्न क्षेत्र तथा देशहरूमा इन्चार्जहरूको व्यवस्था गरिएको अध्यक्ष हरि नेपालीले बताए।

प्रेस सेन्टरले प्रवास प्रदेश समिति अन्तर्गतका क्षेत्र तथा देशहरूमा “एक देश एक प्रेस सेन्टर “भन्ने नारालाई आत्मसाथ गर्दै ३ महिना भित्र विभिन्न देशहरूमा प्रेस सङ्गठन निर्माण गरिसक्नु पर्ने सर्कुलर पनि जारी गरेको छ। प्रेस सेन्टरले प्रदेश समितिको कार्य चुस्त दुरुस्त सञ्चालन गर्न तत्कालको लागि पदाधिकारीबाटै सचिवालयको काम गर्ने निर्णय समेत गरेको छ।

प्रेस सेन्टर नेपाल प्रवास प्रदेश समिति अन्तर्गत विभिन्न देशमा रहेर पत्रकारिता गरिरहेका र गर्न इच्छुक पत्रकारहरूको क्षमता अभिबुद्धिको लागि ३ महिने अभियानको सिलसिलामा ३ दिने अनलाइन पत्रकारिता तालिमको आयोजना गर्ने लगायतका विषयहरूमा पनि छलफल भइरहेको उपाध्यक्ष तथा पूर्वी एसिया इन्चार्ज तिलक मल्लले जानकारी दिए।

 

 

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्