श्रमिक दिवस कम्युनिष्ट पार्टीको पनि उत्सव हो : उपमहासचिव पोख्रेल

Girirajmani Pokhrel
लोकपाटी न्यूज
0 Shares

अत्तरिया। नेकपा (माओवादी केन्द्र) का उपमहासचिव गिरिराजमणि पोख्रेलले श्रमिक दिवस मजदुरको मात्र नभई कम्युनिष्ट पार्टीको पनि उत्सव भएको धारणा राखेका छन्।

१३५ औँ मजदुर दिवसको अवसरमा आज धनगढीमा आयोजित एक अन्तर्क्रिया कार्यक्रममा उनले यसलाई एकता र संघर्षको रुपमा अगाडि बढाउनुपर्ने धारणा राखेका हुन्।

उनले भने, ‘अन्तर्राष्ट्रिय श्रमिक दिवस विभिन्न तरिकाले आ-आफ्नो देशको विशिष्टता एवं राष्ट्रिय परिवेशमा मनाउने गरिन्छ। संविधानले निर्दिष्ट गरेका मौलिक हकलाई कार्यान्वयन गर्न यसलाई सदुपयोग गर्नुपर्ने छ।’

उपमहासचिव पोख्रेलले सरोकारवाला पक्षले मजदुरको पक्षमा बनाइएका कानुनलाई कार्यान्वयनमा जोड दिनुपर्ने बताउँदै अनौपचारिक क्षेत्रका श्रमिकलाई संगठित गर्ने कामलाई व्यवहारिकरुपले अघि बढाउनुपर्नेमा जोड दिए।

त्यस्तै उनले मजदुर विकसित हुन समयअनुसारको प्रविधिको जानकार हुनुपर्ने बताए। उनले भने, ‘श्रमिकले औजार चलाउन जान्नुपर्ने हुन्छ, जानेन भने रोजगारी पाउन समस्या हुन्छ।’ -रासस

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्