विपद् व्यवस्थापन गर्न बजेट होइन इच्छाशक्ति हुनुपर्‍यो : गृहमन्त्री

Rabi_Lamichhane
लोकपाटी न्यूज
0 Shares

काठमाडौं। उपप्रधानमन्त्री एवं गृहमन्त्री रवि लामिछानेले विपद् व्यवस्थापन गर्न बजेट होइन इच्छाशक्ति भए पुग्ने बताएका छन्। राष्ट्रियसभा अन्तर्गतको संघीयता सबलीकरण तथा राष्ट्रिय सरोकार समितिको बैठकमा विपद् व्यवस्थापनबारे उपप्रधानमन्त्री लामिछानेले नागरिकको ज्यान जोगाउने कुरामा बजेट छैन भनेर विपद् आउँदा उद्धारका कार्यमा ढिलाइ हुनुहुँदैन भने।

उनले भने, ‘इच्छाशक्ति हुने हो भने बजेट आफै व्यवस्थापन हुन्छ। विपद् व्यवस्थापनका लागि आवश्यक उपकरणको जोहो गर्नुपर्ने हुन्छ। त्यसबेला बजेट छैन भन्ने कुरा आउँछ। नागरिकको ज्यान जोगाउने कुरा हो। बजेट छैन भनेर नै विपद् र जोखिम न्यूनीकरण गर्ने विषयमा त्यस्तो विपद् आउँदा तत्काल उद्धार गर्नेहरू लामो समयसम्म थन्किएका छन्। प्राथमिकता के हो त्यसमा ध्यान दिनुपर्छ। सरकारका तर्फबाट प्रयास गरी नै रहेका छौं। एकीकृत प्रणालीको अभ्यास गरिरहेका छौं।’

उपप्रधानमन्त्री लामिछानेले क्षति न्यूनीकरणको पूर्वतयारीमा जोड दिनुपर्ने बताए। उनले भने, ‘विपद् व्यवस्थापनका लागि के मा कति बजेट आवश्यकता पर्छ, त्यसबारे बृहत् छलफल हुनुपर्छ। आवश्यक स्रोतहरू उपलब्ध गराउन सरकार तयार छ।’