लोकपाटी न्यूजबारा। साढे ८ किलो गाँजासहित बारामा एक युवती पक्राउ परेकी छन्। आइतबार बिहान बर्दियाको मधुवन नगरपालिका-७ बस्ने २५ वर्षीया प्रियंका श्रेष्ठ पक्राउ परेकी हुन्।उनलाई प्रहरी चौकी पथलैया बाराबाट खटिएको प्रहरी टोलीले पक्राउ गरेको हो।
जिल्ला प्रहरी कार्यालय बाराका प्रवक्ता डिएसपी प्रकाश सापकोटाले जितपुर सिमरा उपमहानगरपालिका-१ आधाभार जंगलबाट उनलाई पक्राउ गरिएको बताए। पक्राउ परेकी श्रेष्ठविरुद्ध लागुऔषधको कसुरमा अनुसन्धान अघि बढाइएको छ।
