लोकपाटी न्यूजकाभ्रे। काभ्रेको धुलिखेल नगरपालिका-४ श्रीखण्डपुरमा ढलभित्र छिरेर बेपत्ता भएकी एक महिला मृत भेटिएकी छन्। रामेछापको खाडादेवी गाउँपालिका-३ घर भई पनौती नगरपालिका-५ नैकिनटार बस्ने ५० वर्षीया भगवती भागदास मृत भेटिएकी हुन्।
मंगलबार उनी ढलको मकलभित्र छिरेर बेपत्ता भएकी थिइन्। बाटो हिंड्दा वर्षाका कारण उनी ढलभित्र छिर्न पुगेकी थिइन्। खोजतलास गर्ने क्रममा साढे ११ बजे बगाएको ठाउँबाट अन्दाजी ३ सय मिटरजति तल खेतमा उनको शव भेटिएको जिल्ला प्रहरी कार्यालयका प्रवक्ता तथा डीएसपी राजकुमार श्रेष्ठले बताए।
