लोकपाटी न्यूजकाठमाडौं। काभा वुमन्स नेसन्स लिग भलिबलको उपाधिका लागि नेपाल आज भारतसँग भिड्दैछ। मंगलबार नेपालले इरानलाई र भारतले श्रीलंकालाई हराउँदै उपाधिका लागि आमने सामने हुन लागेका हुन्।
फाइनल खेल ४ः १५ बजे त्रिपुरेश्वरस्थित कभर्डहलमा सुरु हुनेछ। त्यसअघि इरान र श्रीलंकाबीच दिउँसो २ बजे तेस्रो स्थानको लागि प्रतिस्पर्धा हुनेछ।
नेपाल र भारत फाइनल पुग्दा अहिलेसम्म दुवैले समान ५ खेल खेलेका छन्।
जसमा दुवैले ४ खेल जित्दा १ खेलमा पराजित भएका छन्। नेपाल लिग चरणमा इरानसँग पराजित भएको थियो भने भारतलाई लिगमा नेपालले हराएको थियो। यस्तै पाँच खेलमा १४ सेट जित्दा ५ सेट गुमाएको छ। उता भारतले पनि १४ सेट नै जित्दा ४ सेट गुमाएको छ।
