लोकपाटी न्यूजकाठमाडौं। काठमाडौंको चन्द्रागिरि नगरपालिका- २ स्थित नागढुंगामा पहिरो खस्दा यातायात सेवा अवरुद्ध भएको छ। जिल्ला प्रहरी परिसर काठमाडौंका प्रवक्ता एवं प्रहरी उपरीक्षक नवराज अधिकारीका अनुसार पहिरो खसेका कारण सडक आवागमन अवरुद्ध भएको हो।
उनका अनुसार नागढुंगा चोकबाट केही मिटर पर नागमन्दिर नजिकै पहिरो खसेको हो। काठमाडौं भित्रिने र बाहिरिने सबै सवारीसाधान ठप्प छन्। अहिले सो क्षेत्रमा पानी परिरहेको र पहिरो खस्ने क्रम जारी रहेकाले यातायात सेवा ठप्प छ। नागढुंगामा खटिएको प्रहरीले काठमाडौंबाट जाने सवारी साधन नागढुंगामै रोकेको छ भने आउने सवारीसाधान पिप्लामोडभन्दा तलै रोकिएका छन्।
