लोकपाटी न्यूजरामेछाप। रामेछापमा वर्षापछिको पहिरोले घर बगाउँदा दुईजनाको मृत्यु भएको छ। घटनामा ८ जना बेपत्ता भएका छन्। रामेछापको दोरम्बा शैलुङ गाउँपालिका ३ टोकरपुरको लेखखर्कमा शनिबारराति पहिरोले चारवटा घर बगाएको थियो।
पहिरोले स्थानीय उर्मिला पहरी, काले पहरी, भीमबहादुर थापा मगर र अर्को एक घर बगाएको बताइएको छ। पहिरोमा पुरिएका मध्ये २ जनाको शव फेला परेको जिल्ला प्रहरी कार्यालय रामेछापका प्रहरी निरीक्षक कौशल न्यौपानेले जानकारी दिए।
पहिरोमा ज्यान गुमाउनेमा भीमबहादुर थापाकी छोरी चण्डिका थापा मगर र करिब एक वर्षको नाबालक छोरा रहेको बताइएको छ। एक बालकले भने भागेर ज्यान जोगाएका छन्। दोरम्बा शैलुङको वडा नम्बर २ र ३ को सीमा क्षेत्रमा पर्ने अधेरी खोलाको पक्की पुल पनि बगाएको छ।
