लोकपाटी न्यूजकाठमाडौं। नेपाल राष्ट्र बैंकले यसपाली दशैंमा नयाँ नोट नसाट्ने भएको छ। खर्चको व्यवस्थापनको समस्या देखाउँदै बैंकले पुरानो सुकिला नोट सटही गर्ने तर नयाँ नोट नदिने भएको हो।
दशैंतिहारका लागि ५, १० २०, ५० र १०० का नोट सटही हुने नेपाल राष्ट्र बैंकका सहायक प्रवक्ता डा।डिल्लीराम पोखरेलले बताए। राष्ट्र बैंकले हरेक दशैंतिहारलाई लक्षित गर्दै नयाँ नोट सहटी गर्दै आएको थियो। नयाँ नोट सटही गर्दा खर्चको व्यवस्थापनमा समस्या भएपछि राष्ट्र बैंकले केही वर्ष अघिदेखि नयाँ नोटको सट्टा सुकिला नोट दिने अभ्यासलाई अघि बढाउने योजना बनाएको थियो, तर सकेको थिए।
उक्त योजना यस पटकको दशैंबाट लागू गरिने डा। पोखरेलले नेपालप्रेसलाई जानकारी दिए। उनले भने, ‘ठूलो लागत लगाएर छापेको नयाँ नोट दशैंमा धेरै फोहोर हुने र त्यसको आयुसमेत घट्ने गरेको छ। यसकारण दशैंमा नयाँभन्दा पनि सुकिला नोट दिने तयारी गरेका छौं।’
दशैंतिहारका लागि ५, १० २०, ५० र १०० का साना दरका नोट सटहीको सुविधा दिँदै आएको राष्ट्र बैंकले यस पटक पनि सुविधा दिनेछ। यस पटक पनि प्रतिव्यक्ति १८ हजार ५०० कै हाराहारीमा नोट सहटी गरिने राष्ट्र बैंकले जनाएको छ। नेपाली बजारमा अहिले ६ खर्ब ६७ अर्ब रुपैयाँ बराबरको नोट चलनचल्तीमा रहेको छ।
