लोकपाटी न्यूजकाठमाडौं। पहिरोले कर्णाली राजमार्ग पुनः अवरुद्ध भएको छ। बुधबाररातिको अविरल वर्षाले कालीकोटको शुभकालिका गाउँपालिका–१ स्थित गगनेखोला र एसमोडमा पहिरो गएपछि सडक पूर्ण रुपमा अवरुद्ध भएको हो।
लगातार भारी वर्षा भइरहेकाले पहिरो पन्छाउन समस्या भएको प्रहरीले जनाएको छ। सडक अवरुद्ध हुँदा सवारीसाधन र तिनका यात्री अलपत्र परेका छन् । जुम्लास्थित सडक डिभिजन कार्यालयका सूचना अधिकारी वीरबहादुर जिटीले सडकको अवस्था बुझेर मात्र यात्रा गर्न अनुरोध गरे ।
