लोकपाटी न्यूज
काठमाडौं। नेपाली बजारमा आज (शुक्रबार) सुनको मूल्यले पुनः नयाँ रेकर्ड बनाएको छ। नेपाल सुनचाँदी व्यवसायी महासङ्घका अनुसार शुक्रबार सुन तोलाको दुई हजारले बढेर अहिलेसम्मकै महँगो एक लाख ६४ हजार ४०० रुपैयाँ कायम भएको हो।
आजका लागि निर्धारित मूल्य हालसम्मकै सबैभन्दा धेरै हो। त्यस्तै आज चाँदीको मूल्य पनि बढेको छ । आज चाँदी प्रतितोला ३० रुपैयाँ बढेर एक हजार ९ सय ८० रुपैयाँ कायम भएको महासंघले जनाएको छ। बिहीबार यसको मूल्य १ हजार ९ सय ५० रुपैयाँ थियो।
