महोत्तरी, २१ चैत । बाटोमा दिसा गर्ने १७ जनालाई प्रहरीले पक्राउ गरेका छन् । बिहीबार बिहान खुल्ला दिसामुक्त अभियानलाई चुनौती दिँदै बाटोमा दिशा गर्ने १७ जनालाई महोत्तरी प्रहरीले पक्राउ गरेको हो ।
प्रहरी नायब उपरीक्षक खड्काका अनुसार प्रहरी र खुल्ला दिसामुक्त अभियानकर्मीले बिहीबा बिहान महोत्तरीको सदरमुकाम जलेश्वर नगरपालिकाका विभिन्न वडाबाट बाटोमा दिसा गर्ने १७ पक्राउ गरेको हो । जिल्ला प्रहरी कार्यालयका अनुसार जलेश्वर नगरपालिका–३, ४, ६ र १२ मा बाटोमा दिसा गर्दै गरेकालाई पक्राउ गरी कार्यालयमा ल्याइएको हो ।
पक्राउ परेकालाई जनही ५०० जरिवाना गरेपछि छाडिनेछ । महोत्तरी खुल्ला दिसामुक्त गर्न अभियानकर्मी, प्रहरी, प्रशासन सबै एकजुट भएर लागे पनि दैनिकजसो १२ भन्दा बढी मानिस पक्राउ पर्ने गरेका छन्।