काठमाडौं। जिल्ला न्यायाधीशमा नियुक्तिका लागि ८ जनाको नाम सिफारिस भएको छ। न्याय सेवा आयोगले लिखित र अन्तर्वार्तापछि खुल्लातर्फ ४ र आन्तरिक खुल्लातर्फ ४ जनाको नाम सिफारिस गरेको हो।
आयोगका प्रवक्ता एवम् सहसचिव अशोककुमार क्षेत्रीका अनुसार खुलाबाट पहिलो नम्बरमा कमलकान्त जोशी, तेस्रो नम्बरमा वसन्त राज जोशी, छैटौं नम्बर नितिज राई र आठौं नम्बरमा चन्द्रमणि चापागाईँ सिफारिस भएका छन्।
त्यस्तै आन्तरिक खुलातर्फबाट दोस्रो नम्बरमा नारायण सापकोटा, चौथो नम्बरमा मणिराम ज्ञवाली, पाँचौं नम्बरमा अन्जनराज सापकोटा र सातौं तिलक कार्कीको नाम सिफारिस गरिएको छ।