Spread the love
  • 21
  •  
  •  
  •  
  •  
    21
    Shares

यसरी पाइन्छ न्यूजिल्याण्डकाे पीआर

0

काठमाडाैं, ११ साउन। विश्वको सुन्दर मुलुक न्यूजिल्याण्डमा गएर काम गर्ने र उतै बसोबास गर्ने धेरैको चाहना हुनसक्छ । उसै पनि हरेक वर्ष धेरै नेपालीहरु अध्ययन, रोजगारी र घुमघामका लागि न्यूजिल्याण्ड जाने गरेका छन् ।

यसैकारण न्यूजिल्याण्डमा कसरी कामसँगै बसोबास अनुमतिपत्र पाउने त भन्ने धेरैलाई प्रश्न हुनसक्छ । यसका लागि न्यूजिल्याण्डले दक्ष कामदारका लागि स्थायी बसोबास अनुमतिपत्र अर्थात् पीआर दिँदै आएको छ ।

दक्ष कामका आधारमा न्यूजिल्याण्डको पीआर पाउने प्रक्रिया पनि त्यति झन्झटिलो छैन । बस् आवश्यक योग्यता पुगेको हुनुपर्यो । त्यसो भए दक्ष कामका आधारमा कसरी न्यूजिल्याण्डको पीआर पाउने योग्यता के के हुन् त ?

न्यूजिल्याण्डले अंकका आधारमा पीआर दिने गरेको छ । यसका लागि आवेदकले कम्तीमा १६० अंक पाउनुपर्छ । यी अंक आवेदकको उमेर, दक्षता, अंग्रेजी भाषामा निपुणता, यसअघि काम गरेको अनुभव, अध्ययनलगायतका आधारमा प्रदान गरिन्छ ।

पीआर पाउन आवेदन दिने दक्ष कामदार ५५ वर्ष भन्दा कम हुनुपर्छ । आवेदक न्यूजिल्याण्डको राष्ट्रिय तथा सार्वजनिक सुरक्षामा चुनौति नभएको निश्चित गर्नुपर्छ । त्यस्तै, आवेदक जुन काममा दक्ष हो, उही काम गर्नका लागि मात्र त्यहाँ पुगेको हुनुपर्छ ।

अन्यथा न्यूजिल्याण्डको पीआर पाइन्न । त्यस्तै, न्यूजिल्याण्डको श्रम बजारमा आवेदकको दक्षता अनुसार जनशक्ती कम छन् भने पीआर पाउन अझ सहज हुन्छ ।

यसका लागि अनलाइनबाटै आफ्नो योग्ता जाँच गर्न सकिन्छ । न्यूजिल्याण्डको पीआर पाउन आफू योग्य भएको निश्चित गरेपछि पीआर आवेदन पक्रिया शुरु गर्न सकिन्छ ।

Spread the love
  • 21
  •  
  •  
  •  
  •  
    21
    Shares
You might also like
Comments
Loading...