Spread the love
  • 7.5K
  •  
  •  
  •  
  •  
    7.5K
    Shares

रेनुविरुद्ध साइवर अपराध गर्नेहरुको सूचिमा को–को ?

0

काठमाडौं। भरतपुर महानगरपालिकाका मेयर रेनु दाहालको चरित्र हत्या गर्ने नियतले सामाजिक सञ्जालमा सामग्री पोष्ट हुन थालेपछि त्यसविरुद्द प्रहरी सक्रियताको माग उठेको छ।

शनिबारका दिन ज्ञानेन्द्र शाहीमाथि चितवनमा आक्रमण भएपछि शाही समर्थकहरुले रेनु दाहालको चरित्र हत्या गर्न खोजेका हुन्। शाही समर्थकहरुले रेणु दाहालमाथि अश्लिल गाली गलौज गर्नुका साथै सामाजिक सञ्जालमा अपाच्य तस्वीर र अन्य सामग्री पोष्ट गरेका छन्।

जननिर्वाचित मेयरविरुद्ध गरिएको यस्ता हर्कतविरुद्ध नेपाल प्रहरीले सक्रियता देखाउन नसकेको भन्दै प्रहरीको समेत आलोचना गरिएको छ। रेणु दाहाल भने कार्यक्रममा सहभागी हुने क्रममा देशबाहिर रहेको बेला ज्ञानेन्द्र शाहीको कार्यक्रम बिथोलिएको थियो।

शाही समर्थकहरुले उक्त घटनामा रेणु दाहालको हात रहेको भन्दै उनको आलोचना गरेका हुन्। रेणु दाहालसँगै नेकपा अध्यक्ष प्रचण्डलाई समेत जोडेर आलोचना गरिएको देखिन्छ।

रेणु दाहाल देशबाहिर रहेको बेला समेत उनलाई अनावश्यक रुपमा घटनासँग मुछेर प्रचारबाजी हुन थालेपछि समर्थकहरु आक्रोशमा आएको देखिन्छ। यसअघि समेत रवि लामिछाने प्रकरणमा रेणु दाहालमाथि सुनियोजित आक्रमण भएको बताउँदै समर्थकहरुले व्यक्तिको चरित्रमाथि नै प्रहार हुने सामग्री तत्काल हटाउन र दोषीलाई कार्वाही गर्न प्रहरीसमक्ष माग गरेका छन्।

तर रेणु दाहाल समर्थक तथा नेकपाका नेता एवं कार्यकर्ताले शाही समर्थकहरुले सामाजिक अराजकता, अश्लिलता र व्यक्तिको चरित्र हत्या गर्ने काम गरेको भन्दै सबै अराजक तत्वहरुमाथि कडा कार्वाही गर्न माग गरेका छन्।

नेपालको कानुनले कुनै पनि व्यक्तिलाई लक्षित गरी सामाजिक सञ्जालमा कुनै सामग्री प्रकाशन या प्रसारण गर्ने कार्यलाई अपराध मानेको छ। विद्युतीय कारोबार ऐन अन्तर्गत भइरहेका यस्ता अपराधमा प्रहरीले भने अहिलेसम्म कुनै कार्वाही अघि बढाएको छैन।

सामान्यतः जाहेरी दिएपछि मात्रै कार्वाही अघि बढाउने परिपाटी रहेको नेपाल प्रहरीको भूमिका साइबर अपराध नियन्त्रणमा सक्रिय हुनुपर्ने माग सामाजिक सञ्जालमा गरिएको देखिन्छ।

रेनु दाहालविरुद्ध साइवर अपराध गर्नेहरुमा सुरेश सुवेदी दीपक, भक्तबहादुर थापा, दीपक बुढा, रोहित कुमार खड्का, आकाश रिजाल लगायत छन्। उनीहरुको फेसबुक आइडी फेक हुन् वा होइनन् ? भन्ने कुराको खोजी भइरहेको छ।

यसका साथै उनीहरुलाई उकास्ने गिरोहको पनि खोजी भइरहेको छ। साइबर अपराधमा चितवनकै केही युवाहरुको पनि संलग्नता देखिएको छ।

Spread the love
  • 7.5K
  •  
  •  
  •  
  •  
    7.5K
    Shares
You might also like
Comments
Loading...