Spread the love
  • 12
  •  
  •  
  •  
  •  
    12
    Shares

जनोदय कृषक वहुउद्देश्य सहकारीको साधारण सभा तथा अधिवेशन सम्पन्न

0

नवलपरासी, १६ असोज । जनोदय कृषक वहुउद्देश्य सहकारी संस्था लिमिटेडको १५ औं वार्षिक साधारण सभा तथा साताैं अधिवेशन होटल एटलस भुमहिमा सम्पन्न भएको छ ।

संस्थाका अध्यक्ष पदमराज वस्यालको अध्यक्षता रहेको कार्यक्रममा प्रमूख अतिथि तथा संस्थाका वरिष्ठ सल्लाहार घनश्याम ज्ञावालीले एउटै स्तरका सहकारीहरु छिट्टै मर्ज हुने क्रममा जनोदय कृषक सहकारी र भुमही दुग्ध सहकारी संस्था छिट्टै मर्ज हुनुपर्नेमा जोड दिए।

सोही अवसरमा विशिष्ट अतिथि दियालो कृषि सहकारी संस्थाका अध्यक्ष विमल ढकालले कृषकलाई व्यवसायिक बनाउन प्राविधिक तालिमको आवश्यकता रहेको र आफूले ३ महिने निशूल्क तालिम सञ्चालन गर्न तयार रहेको बताए।

२८८ जना शेयर सदस्यहरु संस्थाको कार्यक्रममा अध्यक्षको प्रतिवेदन संस्थाका अध्यक्ष पदमराज वस्याल, कोषाध्यक्षको प्रतिवेदन सुमित्रा खड्का र लेखाको प्रतिवेदन श्यामकला भण्डारीले प्रस्तुत गरेका थिए ।

अधिवेशनले पुरानै समितिलाई पुनः निरन्तरता दिएको छ । जसको अध्यक्षमा पदमराज वस्याल, उपाध्यक्षमा भगवती भण्डारी, सचिवमा सावित्रा लामिछाने, कोषाध्यक्षमा सुमित्रा खड्का चयन भएका छ ।

त्यस्तै, सदस्यहरुमा दण्डपानी गौतम,, डिल्ली कँडेल, वासुदेव चौधरी, शोभा कुमारी मगर र तारादेवी भण्डारी गरि ९ सदस्यीय चयन भएको छ । नवनिवार्चित समितिलाई शुभकामना संस्थाका व्यवस्थापक द्यातानन्द पाण्डेले दिएका थिए।

कार्यक्रमको उद्घाटन सत्रमा संस्थाका उपाध्यक्ष भगवती भण्डारीको स्वागत मनतव्य रहेकोे थियो भने कार्यक्रम सञ्चालन सावित्रा लामिछानेले गरेका थिए।

Spread the love
  • 12
  •  
  •  
  •  
  •  
    12
    Shares
You might also like
Comments
Loading...