राति १० बजेपछि देउसी भैलो खेल्न नपाइने

Deusi Bhailo
लाेकपाटी न्यूज

काठमाडौं, १९ कात्तिक । तिहारका बेला काठमाडौंमा राति देउसीभैलो खेल्न नपाइने भएको छ ।

महानगरीय प्रहरी परिसर र जिल्ला प्रशासन कार्यालयलय राति १० बजेसम्म मात्र देउसी भैलो खेल्न दिने निर्णय गरेका छन् ।

प्रमुख जिल्ला अधिकारी रामप्रसाद आचार्यका अनुसार तोकिएको समयभन्दा बढी समय देउसी भैलो खेलेमा कारबाही गरिनेछ ।

प्रशासन र प्रहरीले देउसी भैलो खेल्ने बहानामा आपराधिक घटना हुन सक्ने भन्दै समय तोकेका हुन् । साथै प्रहरीले विस्फोटक पदार्थ पटकाहरु पनि पड्काउन नपाउने जानकारी गराएको छ ।

त्यस्तै तिहारमा रुपन्देहीमा ९ बजेपछि देउसी भैलो खेल्न पाइनेछैन ।