दलित पत्रकार संघद्वारा मन्त्रीलाई ज्ञापनपत्र

1
लाेकपाटी न्यूज

काठमाडौं, २० फागुन। महिला बालबालिका तथा ज्येष्ठ नागरिकमन्त्री पार्वत गुरुङले जातीय भेदभाव र छुवाछूत लगायतका सामाजिक कुरितीका विरुद्ध गैरदलित समुदायका पत्रकारहरुले पनि अझ बढी कलम चलाउनुपर्ने बताएका छन्।  मंगलवार मन्त्रालयमा राष्ट्रिय दलित पत्रकार संघ नेपालको ज्ञापनपत्र बुझदै मन्त्री गुरुङले भने ‘आजको २१ औँ शताब्दीमा पनि दलित समुदायले जातीय भेदभाव तथा छुवाछूतको समस्या भोगिरहनु परेको छ, यसको अन्त्यका लागि मिडियामा दलित समुदायको सहभागिता बढाउँदै गैरदलितलाई समेत यो विषयमा बुझाएर लेख्न प्रोत्साहन गर्नुपर्छ ।’

सरकारले जातीय भेदभाव तथा छुवाछूत अन्त्यका लागि संघीय र प्रदेशस्तरबाटै अभियान सञ्चालन गर्ने योजना बनाएको मन्त्री गुरुङले जानकारी दिए। सो अवसरमा उनले जातीय छुवाछूत, छाउपडी, बाल बिवाह, दाइजो, बोक्सी प्रथा लगायतका सामाजिक कुसंस्कारका विरुद्ध एकीकृत अभियानहरुको जरुरी रहेको चर्चा गरे।

संघले प्रस्तावित मिडिया काउन्सिल विधेयक मिडियामैत्री एवं समावेशी सिद्धान्त बमोजिम परिमार्जन गर्नुपर्ने, संविधानको मौलिक हकमा उल्लेख अभिव्यक्ति तथा पूर्ण प्रेस स्वतन्त्रतताको व्यवहारत् कार्यान्वयन गर्नुपर्ने, दलित समुदायमा मानअधिकारको प्रत्याभूति गराउनुपर्ने, दलित समुदायद्वारा सञ्चालित सञ्चार माध्यमलाई राज्यद्धारा विशेष सुविधा प्रदान गरी कर मिनाहसम्मको नीति ल्याउनुपर्ने लगायतका १३ बुँदे मागसहित ज्ञापनपत्र बुझाएको छ।रासस

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्