साँचो मित्र को हो, बल्ल चिन्दैछौंः जयशंकर

jayasankar
लोकपाटी न्यूज

एजेन्सी। भारतीय विदेशमन्त्री एस जयशंकरले भारतले आफ्ना मित्रहरु बल्ल चिन्न थालेको टिप्पणी गरेका छन्। नयाँ दिल्लीमा आयोजित ग्लोबल बिजनेस समिटमा विदेशमन्त्री जयशंकरलाई भारतले विश्वमा आफ्ना मित्रहरु गुमाउँदै गएकोबारे प्रश्न सोधिएको थियो।

पछिल्लो समय नागरिकता संशोधन कानून, जम्मु र कस्मिर टुक्र्याउने भारतीय कदम तथा दिल्ली दंगामा मुस्लिममाथि भएको ज्यादतीबारे भारतसँग राम्रो सम्बन्ध रहँदै आएका मलेसिया, टर्कीलगायतका मुलूकले आपत्ति जनाएका थिए।

‘सायद हामीले साँचो मित्र बल्ल चिन्दैछौँ,’ जयशंकरले जवाफमा भने। जयशंकरले संसार बदलिएको भन्दै यसमा भारतको भूमिका पनि बदलिएको बताए।

‘कुनै समय थियो, भारत निकै रक्षात्मक थियो। हाम्रो क्षमता कमजोर थियो। जोखिम ज्यादा थियो। खतरा उच्च थियो,’ जयशंकरले भने, ‘त्यसैले हामीले टाढै बसेर संसारलाई व्यवस्थापन गर्ने रणनीति अख्तियार गर्‍यौँ। तर, अब हामी त्यसो गर्न सक्दैनौँ। हामी विश्वको पाँचौँ ठूलो अर्थतन्त्र हौँ। अहिले संसारको प्रकृति पनि परिवर्तन भइसक्यो।’

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्