विद्यार्थीलाई हात चिर्न लगाउने शिक्षिका पक्राउ

लाेकपाटी न्यूज

काठमाडौँ । विद्यार्थीलाई यातना दिने शिक्षिका सीतालक्ष्मी कर्माचार्य जागीरबाट बर्खास्त भएकी छन् । कर्माचार्यलाई प्रहरीले पक्राउ गरेको छ । उनलाई विद्यालयले शुक्रवारबाट लागू हुने गरी बर्खास्त गरेको छ । उता महानगरीय प्रंहरी वृत्त बानेश्वरले कर्माचार्यलाई भक्तपुरस्थित निवासबाट पक्राउ गरेको हो ।

शिक्षिका कर्माचार्यले भक्तपुरको जडीबुटीस्थित जागृति एकाडेमी बोर्डिङ स्कुलमा कक्षा ६ मा अध्ययनरत विद्यार्थीलाई परीक्षामा कम नम्बर ल्याएको भन्दै हात चिरेर यातना दिएको खुल्न आएको छ । स्कुलका प्रिन्सिपल राजनकुमार श्रेष्ठका अनुसार, निजले त्यस विद्यालयमा पढाउन थालेको करीव १० वर्ष भएको थियोे । घटनापछि विद्यालयबाट वर्खास्त गरिएको छ ।

सामाजिक विषयमा कम नम्वर ल्याएको भन्दै यातना स्वरुप कक्षा कोठाभित्रै विद्यार्थीलाई पेनसिल कटरको ब्लेडले हात चिर्न लगाएको पाइएपछि अभियुक्त कर्माचार्यविरुद्ध अभद्र व्यवहारको कसुरमा अनुसन्धान गरिने महानगरीय प्रहरी परिसर काठमाडौंँले जनाएको छ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्