सफल बन्न अपनाउनुपर्ने चार चाणक्य नीति

Chanakya_Niti
लोकपाटी न्यूज

काठमाडौं। आचार्य चाणक्यले जीवनलाई सफलतापूर्वक अघि बढाउनका लागि थुप्रै नीति बनाए र चाणक्य नीतिलाई त्यसैमा समाहित गरे। आचार्य चाणक्यको यो नीति आजसम्म पनि सान्दर्भिक छ। विष्णु गुप्त र कौटिल्यको नामले परिचित चाणक्यले सफलताका लागि चार यस्ता कुरा बारे जानकारी दिएका छन् जसको अनुसरण गरिए सफलता हात पार्न सकिनेछ। चाणक्यका अनुसार मनुष्यले यदि यी चार कुरा कसैलाई पनि नबताए हरेक मोडमा जीत हासिल गर्न सक्नेछन्।

१. चाणक्यका अनुसार जीवनको कुनै पनि मोडमा यदि पैसाको कमी हुँदा आफ्नो आर्थिक स्थितीबारे कसैलाई पनि केही भन्नु हुँदैन। जीवनमा यस्ता थुप्रै मौका आउँछन् जब मानिसहरु आर्थिक रुपमा कमजोर हुन्छन्। यस्तो अवस्थामा तपाईंले आफैंलाई विश्वास गरेर अघि बढ्नुपर्छ। यदि तपाईंले यस्ता समस्याबारे सबैलाई बताउँदै हिँड्नुहुन्छ भने मानिसहरुले तपाईंको खिल्ली उडाउन सुरु गर्नेछन्। साथै मद्दतका लागि कोही पनि अघि सर्ने छैनन्।

२. आचार्य चाणक्यका अनुसार हामीले आफ्नो घरको कुरा घरमै सिमित राख्नुपर्छ। जब मानिसहरुले घरको स–सानो कुरा बाहिरका मानिसहरुसँग गर्दै हिँड्छन् तब विभिन्न प्रकारको समस्याको सामना गर्नुपर्छ। बाहिरका मानिसहरुले तपाईंबारे थाहा पाएर तपाईंविरुद्ध षड्यन्त्र रच्न थाल्छन् जसले गर्दा घरमा झगडा पैदा हुन्छ। चाणक्यका अनुसार श्रीमान् र श्रीमतीबीचको कुराकानी पनि सिमित राख्नुपर्छ किनभने यस्ता कुरा दुबैको सम्मान र अपमानसँग जोडिएको हुन्छ।

३. हाम्रो जीवनमा यस्ता थुप्रै पल आउँछन् जब हामीले अपमान सहनुपर्छ । चाणक्यका अनुसार अपमानित हुँदा अरु कुनै व्यक्तिसँग यसबारे चर्चा गर्नुहुँदैन। आफ्नो अपमानलाई गोप्य राख्नुपर्छ। मानिसहरुलाई यस्ता कुरा बताउँदा उनीहरुले तपाईंलाई मद्दत गर्नुको साटो तपाईंको खिल्ली उडाउन सुरु गर्छन्। यसले तपाईंको मनोबल टुट्छ।

४. आफ्नो दुःख पीडा सबैलाई बताउँदै हिँड्ने बानीले हामीलाई क्षती पुर्‍याइरहेको हुन्छ। अरुसँग तपाईंको दुःख, पीडा बुझ्ने समय नै हुँदैन। यस्तोमा तपाईंले आफ्नो दुःखबारे ती व्यक्तिसँग मात्रै चर्चा गर्नुपर्छ जसमाथि तपाईंलाई पूर्ण विश्वास छ।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्