चौतारी लघुवित्तको आइपीओ बिक्री शुरु

IPO
लाेकपाटी न्यूज

काठमाडौं, १९ मंसिर । बुटवलमा प्रधान कार्यालय रहेको चौतारी लघुवित्तले बुधबारदेखि साधारण शेयर(आइपीओ) बिक्री शुरु गरेको छ । कम्पनीले रु. छ करोड बराबरको छ लाख कित्ता साधारण शेयर बिक्री शुरु गरेको हो ।

उक्त लघुवित्तको साधारण शेयरमा न्यूनतम ५० देखि अधिकतम तीन हजार कित्तासम्म आवेदन दिन पाइने व्यवस्था गरिएको छ । शेयर बिक्री प्रबन्धकमा एनआइबिएल एस क्यापिटल लिमिटेड रहेको छ । कूल बिक्री गर्न लागिएको शेयरमध्ये तीन हजार कित्ता सामूहिक लगानी कोष र ९ हजार ३०० कित्ता संस्थामा कार्यरत कर्मचारीलाई छुट्याइएको छ ।

शेयर बिक्री छिटोमा यही मंसिर २३ गते र ढिलोमा आगामी पुस १९ गतेसम्मलाई तोकिएको लघुवित्तका अध्यक्ष जगत पोखरेलले जानकारी दिए ।