भोली देशभरका सबै अदालत बन्द

High Court
  • 30
    Shares
लाेकपाटी न्यूज

काठमाडौं, ३१ भदौ। सर्वोच्च अदालतले बिहीबार एक दिन देशभरका अदालतमा बिदा दिने निर्णय गरेको छ। पूर्व प्रधानन्यायाधीश अनिरुद्धप्रसाद सिंहको निधनमा एक दिन देशभरका अदालतमा बिदा दिने निर्णय गरेको हो।

सर्वोच्च अदालतको बसेको आकस्मिक बैठकले सिंहको निधनप्रति  दुःख व्यक्त गर्दै सर्वोच्च अदालतसहित देशभरका अदालतमा बिहीबार शोक बिदा दिने निर्णय गरेको हो।

सिंहको निधनबाट राष्ट्रले एउटा सच्चा राष्ट्रप्रेमी र न्यायिक व्यक्तित्व गुमाएको उल्लेख गर्दै उनको आत्माको चीर शान्तिको कामनासहित शोक सन्तप्त परिवारजनमा समवेदना प्रकट गरिएको सर्वोच्च अदालतका प्रवक्ता भद्रकाली पोखरेलद्वारा आज जारी गरिएको प्रेस विज्ञप्तिमा उल्लेख छ।

सप्तरी जिल्लामा १९७६ सालमा जन्मिएका सिंह २०१३ साल जेठ ८ गते प्रधानन्यायाधीश नियुक्त भएका थिए। उनले २०१६ असार १५ गतेसम्म काम गरेका थिए। वि.सं २००३ सालदेखि सरकारी सेवामा वडाहाकिमको पदबाट सिंहले सेवा प्रारम्भ गरेका थिए।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्