‘बिजुली गए ऊर्जा मन्त्रालयमा फोन गर्नू’

Barshaman-Pun
  • 625
    Shares
लोकपाटी न्यूज

काठमाडौं। ऊर्जा, जलश्रोत तथा सिंचाइँ मन्त्रालयले पूर्व जानकारी विना नियमित विद्युत आपूर्ति नभए मन्त्रालयमा खबर गर्न आग्रह गरेको छ। पछिल्लो समयमा विभिन्न मर्मत तथा प्राविधिक कारणले विद्युत आपूर्ति बन्द गर्न परेको पनि मन्त्रालयले जनाएको छ। मन्त्रालयले यसलाई लोडसेडिङ नभएको प्रष्ट्याएको छ।

ऊर्जामन्त्रीको निजी सचिवालयका अनुसार सडक विस्तारका क्रममा आइतबार बिहान ८ बजेदेखि १० बजेसम्म र ११ बजेदेखि अपराहृन १ बजेसम्म ललितपुरको पौडेल गाउँ, किटिनी, लेनिनथोक, भ्यू भृकुटी लगायत स्थानमा ११ केभी प्रसारण लाइन नजिकैका ७ वटा ट्रान्सर्फमरबाट वितरित विद्युत आपूर्ति बन्द हुने पूर्वसूचना नेपाल विद्युत प्राधिकरण लगनखेल वितरण केन्द्रले जारी गरेको थियो ।

मन्त्रीका प्रेश संयोजक दयानिधि भट्टले फेसबुकमा लेखेका छन्, ‘त्यस सम्बन्धमा केही ग्राहकमा भ्रम पर्न गएको भान भएकाले स्पष्टताका लागि यो जानकारी दिइएको हो।’ उनले कतै पूर्वजानकारी बिना विद्युत सेवा नियमित नभएको अवस्थामा ऊर्जा मन्त्री वर्षमान पुन अनन्तको सचिवालय वा नेपाल विद्युत प्राधिकरणको केन्द्रीय कार्यालयमा तत्काल खबर गर्न अनुरोध गरेको छ।

सम्पर्कका लागि ऊर्जामन्त्रीको सचिवालयको हटलाइन नम्बर-११५१ मा २४ सै घण्टा वा ९८५११०९८३५ मा फोन गर्न सनिको उनले जानकारी दिएका छन्।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्