बली चढाउनको लागि भारतमा बेचिन लागेकी किशोरीको उद्धार

yes
  • 131
    Shares
लाेकपाटी न्यूज

काठमाडौं, १० असोज। विराटनगरर सुनसरी रामधुनी नगरपालिका ५ झुम्काकी १७ वर्षीया एक किशोरी बेचिनबाट जोगिएकी छन्। विराटनगर पूजामा लैजाने भनि विराटनगर ल्याइएकी ती किशोरीलाई प्रहरीले उद्धार गरेपछि उनी बेचिनबाट जोगिएकी हुन्।

उनलाई भारत लगेर १२ लाखमा विक्री गर्ने र खरिद गर्नेले बली चढाउन लगेको रहस्य खुलेको छ। उनलाई बेचबिखनका लागि भारत पुर्याउने क्रममा संलग्न तीन जनालाई मोरङ प्रहरीले पक्राउ समेत गरेको छ। सोमबार राति करिब ७ बजे किशोरीलाई विराटनगर महानगरपालिका १७ इस्लामपुरबाट प्रहरीले उद्धार गरिएको हो।

विराटनगरको बाटो हुँदै ती किशोरीलाई भारतको फारबिसगञ्जसम्म पुर्याइएको थियो। तर योजनाका बारेमा किशोरीले थाहा पाएपछि भागेर उनी पुनः नेपालतर्फ आएकी थिइन्। मोरङ प्रहरी प्रमुख एसपी सन्तोष खड्काले घटनाको प्रकृति हेर्दा उनलाई बेचबिखनका लागि लगिएको देखिएको बताए। किशोरीलाई झुक्याएर भारत लानुको रहस्य र घटनाको प्रकृति र ‘कनेक्सन’ हेर्दा किशोरीलाई बलि दिन भारत लैजान खोजिएको प्रारम्भिक अनुशन्धानवाट देखिन आएको एसपी खड्काले जानकारी दिए।

किशोरीलाई भारत लैजाने मोरङको लेटाङ नगरपालिका ३ घर भई सुनसरी रामधुनी नगरपालिका ५ झुम्कामा तरकारी पसल सञ्चालन गर्दै आएकी २२ वर्षीय मनिका ढकाल, सप्तरी विष्णुपुर गाउँपालिका ५ घर भएका २८ वर्षीय सुमितकुमार मण्डल र सप्तरीकै तिलाठीकैलारी गाउँपालिका १ घर भइ विराटनगर बस्दै आएका २० वर्षीय प्रदीपकुमार मण्डललाई पक्राउ गरेको हो।

भारत पु¥याएबापत १२ लाखमा बिक्रीको डिल मनिकाले विराटनगरमा हुने पूजामा सहभागी हुँदा कुमारी केटीलाई पाँच हजार दिने र आफूले एउटा मोबाइल किनिदिने भन्दै आचार्य थरकी किशोरीलाई आइतबार बिहान घरबाट ल्याएकी थिइन्।

विराटनगर बसपार्क आएका सुमित, प्रदीप र मनिकाले उनलाई भारततर्फ लिएर गए। इसिपी नाकाबाट जान नपाएपछि उनीहरूले चोरबाटो हुँदै उनलाई भारततर्फ लगेका थिए। मोरङ प्रहरी प्रमुख एसपी सन्तोष खड्काका अनुसार घटनाका मुख्य योजनाकार सुमित हुन्। प्रदीप उनका सहयोगी रहेको खुलेको छ। सुमितले मनिकालाई प्रयोग गर्दै प्रदीपको पनि सहयोग लिएर किशोरीलाई भारत पुर्याउन खोजेको प्रारम्भिक अनुसन्धानबाट खुलेको एसपी खड्काले बताए।

फेसबुकमार्फत् पैसाको डिल १७ वर्षीया किशोरीको घर नजिकै मनिका बस्दै आएकी थिइन्। किशोरीको घरमा उनको आउजाउ राम्रो थियो। प्रहरीका अनुसार मनिकाको फेसबुकमार्फत् सुमितसँग चिनजान भएको थियो। मनिकालाई सुमितले विवाह नभएकी युवती ल्याइदिए ४/५ लाख रुपैयाँ दिने आश्वासन दिएका थिए। किशोरी पाँच फुट २ इन्च हुनुपर्ने, विवाह नभएको र महिनावारी नभएको हुनुपर्ने सर्त थियो। पूर्वतयारी अनुसार मनिकाले घरमै किशोरीको उचाई नाप्दा पाँच फुट २ इन्च थियो। सुमितका नातामा भिनाजु पर्नेले पूजाका लागि युवती मगाएका थिए।

सोमबार भारत लैजाने योजनाअनुसार मनिकाले किशोरीकी आमासँग पूजामा सहभागी हुने र आफ्नो पैसा उठाउन साथी लैजाने भनिन्। सुरुमा असहमति जनाएकी आमाले पूजामा सहभागी हुँदा कन्या पूजा गरेर पाँच हजार दिने र २ घण्टामा आउने बताएपछि विराटगरसम्म जान अनुमति दिइन्।छिट्टै फर्कने सर्तमा गएका उनीहरू फर्किएनन्। घरबाट किशोरीकी आमाले फोन गर्दा दुवै जनाको मोबाइल अफ थियो।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्