यस वर्षको पद्मश्री पुरस्कार रद्द

padmashree
  • 9
    Shares
लाेकपाटी न्यूज

काठमाडौं, १३ असोज। यस वर्षको पद्यश्री साहित्य पुरस्कार र पद्यश्री साधना सम्मान रद्द गरिएको छ। पुरस्कार पाउने व्यक्ति विवादमा परेपछि पुरस्कार नै रद्द गरिएको हो।

सोमवार खेमलाल–हरिकला प्रतिष्ठानले एक विज्ञप्ति जारी गर्दै यस वर्ष दुवै पुरस्कार रद्द गरिएको जनाएको हो। यसअघि प्रतिष्ठानले पद्यमी श्री साहित्य पुरस्कार सञ्जीव उप्रेतीको उपन्यास ‘हंश’ लाई र पद्यश्री साहित्य सम्मान मोदनाथ प्रश्रितलाई दिने घोषणा गरेको थियो।

प्रतिष्ठानका अध्यक्ष जीवा लामिछानले दुवै सर्जकले पुरस्कार अस्वीकार गर्ने घोषणा गरेकाले पुरस्कार रद्द गर्ने निर्णय गरेको बताएका छन्। यसअघि लेखक सञ्जीव उप्रेतीले यौन उत्पीडनको आरोप लागेका मोदनाथ पश्रितसँग एउटै मञ्चमा उभिएर पुरस्कार लिन नसकिने बताएका थिए।

त्यसपछि मोदनाथ प्रश्रितले पनि व्यक्ति तथा केही समूहले आफ्नो चरित्र हत्या गरेकाले पुरस्कार नलिने बताएका थिए। मोदनाथ प्रश्रितलाई भ्रष्टाचारविरोधी अभियन्ता शारदा भुसालले यौन हिंसाको आरोप लगाएकी थिइन्। उनले वि.सं. २०७२ मा प्रकाशित आत्मकथा ‘धरातल’ मा भुसालले आफू १३ वर्षको हुँदा प्रश्रितले यौन हिंसा गरेको आरोप लगाएकी थिइन्।

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्