चिसोले पाइपमै जम्यो पानी

Pani
फाइल फोटो
लाेकपाटी न्यूज

काठमाडौं, १७ पुस । अत्यधिक चिसोले सदरमुकाम सिमकोटका धारामा पानी आउन छाडेको छ । चिसोले खानेपानीको पाइपमा बरफ जम्दा घर–घरमा जडान गरिएका धारामा पानी आउन छाडेको हो । चिसोले हुम्लाको तापक्रम माइनस १७ डिग्रीमा झरेको छ । धारामा पानी आउन छाडेपछि सदरमुकाम सिमकोटवासी बिहान–बेलुका खानेपानीको जोहो गर्न नजिकैका मुग्रा धारामा जान थालेका छन् । यो खबर आजको नयाँ पत्रिका दैनिकले छापेको छ ।

खानेपानी धारामै जमेपछि स्थानीयले धारा र पाइपमा तातोपानी हालेर बरफ पगाल्ने गरेका छन् । धारामा बरफ जम्दा खानेपानीको अभाव हुन थालेको सिमकोट गाउँपालिका–४ का धर्मानन्द लामाले बताए ।

‘अत्यधिक चिसोले घरको खानेपानीको धारोमा बरफ जम्दा खानेपानीको समस्या भयो,’ लामाले भने, ‘पाइपमा पानी आउनै छाडेपछि पाइपमा तातोपानी हालेर बरफ पगालेर खाने गरेका छौँ ।’

प्रतिक्रिया दिनको लागि यहाँ क्लिक गर्नुहोस्

तपाईंको प्रतिक्रिया यहां लेख्नुहोस्