लाेकपाटी न्यूजकाठमाडाैं । श्रीमतीलाई बलात्कार गरेको अभियोगमा भक्तपुरमा एकजना पक्राउ परेका छन् । बिरामी भएको अवस्थामा समेत बलात्कार गरेको भन्दै भक्तपुर बस्दै आएकी एक महिलाले दिएको जाहेरीका आधारमा भक्तपुर प्रहरीले ती महिलाका श्रीमानलाई पक्राउ गरेको हो ।
रामेछापकी २५ वर्षीया ती महिलाले आफूभन्दा पाँच बर्ष जेठा श्रीमानले बिरामी अवस्थामा जर्बजस्ती बलात्कार गरेको भन्दै कारवाहीको माग गरेकी छन् । उनको जाहेरीका आधारमा श्रीमानलाई बिहीवार नै नियन्त्रणमा लिएर अनुसन्धान शुरु गरिएको भक्तपुर प्रहरीले जनाएको छ ।
प्रहरीले जाहेरी दिने महिलाको स्वास्थ्य परीक्षण गरेपछि श्रीमान भनिएका ती व्यक्तिलाई आज अदालत पेश गरेर अनुसन्धानका लागि अनुमति लिने बताएको छ ।
