काठमाडौं। लोकसेवा आयोगको लिखित र मौखिक परीक्षाबाट छनौट भएर पनि स्थायी नियुक्ति लिन नआएकालाई तत्काल नियुक्ति लिन आउन सडक विभागले आग्रह गरेको छ। विभागले आइतबार जारी गरेको सूचनामा सिफारिसअनुसार नियुक्ति लिन नआएका ९ जना उम्मेदवारको नाममा सूचना जारी गरेको हो।
नेपाल इन्जिनियरिङ्ग सेवा, सिभिल समूह, हाइवे उपसमूह, राजपत्र अनंकित प्रथम श्रेणी (प्रा), सवइन्जिनियर पदमा सिफारिस भएपनि स्थायी नियुक्ति लिन नआएका ९ जनाको नाममा सार्वजनिक सूचना जारी गरेको हो। तोकिएको समयमा पनि नियुक्ति लिन नआएमा वैकल्पिक उम्मेदवारलाई नियुक्ति दिइने सूचनामा उल्लेख गरिएको छ।