लोकपाटी न्यूजकाठमाडौं। बागमती प्रदेशको लोक सेवा आयोगले अहिलेसम्मकै सबैभन्दा बढी संख्यामा कर्मचारी माग गरेको छ। बागमती प्रदेश सरकारका विभिन्न मन्त्रालय र स्थानीय तहहरूका लागि अहिलेसम्मकै सर्वाधिक संख्यामा कर्मचारी मागसहित विज्ञापन खुलेको हो।
सोमबार आज एक सूचना प्रकाशित गरी आयोगले विभिन्न सेवा र समूहका लागि एक हजार १ सय १३ जना कर्मचारी माग गरेको छ। प्राविधिक, अप्राविधिक र स्वास्थ्य समूहका पाँचौँ तहका कर्मचारी पदपूर्तिका लागि विज्ञापन गरिएको हो। ती पदहरूमा माघ २८ गतेभित्र दरखास्त बुझाइसक्नुपर्ने आयोगले जानकारी दिएको छ।
